Ayah 104:11 : وَیْلٌ لِّکُلِّ ھُمَزَۃٍ لُّمَزَۃِ (بڑی خرابی ہے ایسے شخص کیلئے جو پس پشت عیب نکالنے والا اور رودررو طعنے دینے والا ہو)
نحو : ویل مبتدأ لکل ہمزہ اس کی خبر ہے۔ ہمزہؔ وہ شخص جو غیر موجودگی میں عیب نکالے۔ لُمزۃ۔ سامنے عیب نکالے۔ طعنہ زنی کرے۔
نکتہ : فَعَلۃ کا وزن اس بات پر دلالت کرتا ہے کہ یہ اس شخص کی عادت ثانیہ ہے۔
ایک قول یہ ہے :
کہ یہ اخنس بن شریق کے متعلق اتری۔ اس کی عادت غیبت تھی۔
ایک اور قول :
اّمیہ بن خلف کے متعلق اتری۔ ایک قول اور ہے کہ ولید کے متعلق نازل ہوئی۔
فیصلہ :
سبب خاص ہوسکتا ہے۔ اور وعید عام ہو۔ تاکہ ایسے تمام افراد کو شامل ہو جو اس قباحت کا ارتکاب کرنے والے ہوں۔
Ayah 104:22 : اڑلَّذِیْ جَمَعَ مَالًا وَّعَدَّدَہٗ (جو مال جمع کرتا ہو اور اس کو بار بارگنتا ہو)
نحو : الذی یہ کل سے بدل ہے۔ نمبر 2۔ منصوب ہے۔ فعل ذم کی وجہ سے۔
قراءت : شامی، حمزہ، علی نے جمَّع صیغہ مبالغہ پڑھا اور وہ عددہ کے ظاہر میں مطابق بھی ہے۔ عدّدہٗ یعنی اس کو حوادث دھر کیلئے تیار کیا اور سامان بنایا۔
Ayah 104:33 : یَحْسَبُ اَنَّ مَالَہٗ اَخَلْدَہٗ (وہ خیال کررہا ہے کہ اس کا مال اس کے پاس سدا رہے گا) یعنی اس کا ترکہ اس کو دنیا میں ہمیشہ رکھنے والا ہے وہ نہ مرے گا۔ نمبر 2۔ یہ عمل صالح کے لئے تعریض ہے۔ کہ عمل صالح ہی انسان کو نعمتوں میں ہمیشہ رکھنے والا ہے مال نے آج تک تو کسی کو ہمیشہ رکھا نہیں۔
Ayah 104:44 : کَلَّا لَیُنْبَذَنَّ فِی الْحُطَمَۃِ (ہرگز نہیں۔ واللہ وہ شخص ایسی آگ میں ڈالا جائے گا) جس میں جو کچھ پڑے۔ اس کو وہ توڑ پھوڑ دے۔ کَلَّا اس میں سابقہ گمان پر ردع ہے۔ لَیُنْبَذَنَّ اس کو ضرور ڈالا جائے گا جس نے جمع کیا۔ الْحُطَمَۃِ جو اس طرح کی آگ ہے کہ جو چیز اس میں ڈالی جائے اس کو مٹا ڈالتی ہے۔
Ayah 104:55 : وَ مَآ اَدْرٰکَ مَا الْحُطَمَۃُ ( اور آپ کو معلوم ہے کہ وہ توڑنے پھوڑنے والی آگ کیسی ہے) اس میں تعجب ہے اور جہنم کی عظمت و بڑائی بتلائی (کہ جہنم کی شدت ناقابل تصور ہے)
Ayah 104:66 : نَارُ اللّٰہِ الْمُوْقَدَۃُ (وہ اللہ تعالیٰ کی آگ ہے۔ جو سلگائی گئی ہے )
نحو : نار اللہ یہ مبتدأ محذوف کی خبر ہے۔ ایھی نار اللہ۔ الموقدؔ ہ یہ اس کی صفت ہے۔
Ayah 104:7دلوں تک پہنچنے کا مطلب :
7 : الَّتِیْ تَطَّلِعُ عَلَی الْاَفْئِدَۃِ (جو دلوں تک جا پہنچے گی) یعنی وہ آگ ان کے پیٹوں میں گھس جائے گی اور یہاں تک کہ سینوں میں پہنچ جائے گی اور ان کے دلوں کو جھانک لے گی۔ افئدۃؔ : دل کا درمیان۔ انسان کے جسم میں دل سے بڑھ کر کوئی چیز لطیف نہیں۔ اور نہ ہی اس سے زیادہ کوئی چیز معمولی ایذاء کو محسوس کرنے والی ہے۔ اس وقت دل کی تکلیف کا کیا حال ہوگا جب جہنم کی آگ اس کو جھانکے گی اور اس پر مسلط ہوجائے گی۔
دل کو خاص کرنے کی وجہ یہ ہے کہ دل کفر کے مقامات اور عقائد فاسدہ کا مرکز ہے۔ اطلاع نار کا مطلب یہ ہے کہ وہ آگ ان پر چھا جائے گی۔
Ayah 104:88 : اِنَّھَا عَلَیْھِمْ مُّؤْصَدَۃٌ (وہ ان پر بند کردی جائے گی) ھا ؔ کی ضمیر نار کی طرف یا حطمہ کی طرف راجع ہے موصدہ : بلند کی ہوئی۔
Ayah 104:99 : فِیْ عَمَدٍ مُّمَدَّدَۃٍ (بڑے لمبے لمبے ستونوں میں )
قراءت : حفص کے علاوہ بقیہ کوفی قراء نے عُمُد پڑھا اور باقی تمام قراء نے عَمَدٍ یہ دو جمع کی لغات ہیں۔ عِمَاد جیسے اِھَابٍ اور اُھُبٌ حِمَارٍ اور حُمُرٌ مُّمَدَّدَۃٍ ان پر دروازے بند کردیئے جائیں گے اور دروازوں پر ستون کھینچ دیئے جائیں گے۔ مضبوط بند کرنے کیلئے حدیث میں وارد ہے : مومن سمجھدار اور ذہین، ثابت قدمی اختیار کرنے والا، نہ جلد باز۔ نیک، عالم ہوتا ہے اور منافق عیب جو ‘ طعنہ زن ‘ رات کو ٹامک ٹوئیاں مارنے والے کی طرح۔ اس کو کچھ پرواہ نہیں ہوتی کہ وہ کہاں سے کمائے۔ اور کس چیز میں صرف کرے۔ ] رواہ الدیلمی فی الفردوس : 6544[