96. Al-Alaqالعلق

The Clot · Meccan · 19 ayahs · 1 ruku

بِسْمِ اللّٰهِ الرَّحْمٰنِ الرَّحِیْمِ

Introduction· خزائن العرفان

Loading…

اِقْرَاْ بِاسْمِ رَبِّكَ الَّذِیْ خَلَقَ ۟ۚاِقۡرَاۡ بِاسۡمِ رَبِّكَ الَّذِىۡ خَلَقَ‌ۚ

پڑھو اپنے رب کے نام سے (ف۲) جس نے پیدا کیا(ف۳)

— خزائن العرفان

خَلَقَ الْاِنْسَانَ مِنْ عَلَقٍ ۟ۚخَلَقَ الۡاِنۡسَانَ مِنۡ عَلَقٍ‌ۚ‏

آدمی کو خون کی پھٹک سے بنایا

— خزائن العرفان

Tafseer of 96:1–2

(ف 2) یعنی قراء ت کی ابتداء ادباً اللہ تعالٰی کے نام سے ہو ۔ اس تقدیر پر آیت سے ثابت ہوتا ہے کہ قراء ت کی ابتداء بسم اللہ کے ساتھ مستحب ہے ۔

(ف 3) تمام خَلق کو ۔

اِقْرَاْ وَرَبُّكَ الْاَكْرَمُ ۟ۙاِقۡرَاۡ وَرَبُّكَ الۡاَكۡرَمُۙ

پڑھو (ف۴) اور تمہارا رب ہی سب سے بڑا کریم

— خزائن العرفان

Tafseer of 96:3

(ف 4) دوبارہ پڑھنے کا حکم تاکید کے لئے ہے ۔ اور یہ بھی کہا گیا ہے کہ دوبارہ قراء ت کے حکم سے مراد یہ ہے کہ تبلیغ اور امّت کے تعلیم کے لئے پڑھئیے ۔

الَّذِیْ عَلَّمَ بِالْقَلَمِ ۟ۙالَّذِىۡ عَلَّمَ بِالۡقَلَمِۙ

جس نے قلم سے لکھنا سکھایا(ف۵)

— خزائن العرفان

Tafseer of 96:4

(ف 5) اس سے کتابت کی فضیلت ثابت ہوئی اور درحقیقت کتابت میں بڑے منافع ہیں ،کتابت ہی سے علوم ضبط میں آتے ہیں گذرے ہوئے لوگوں کی خبر یں اور ان کے احوال اور ان کے کلام محفوظ رہتے ہیں ۔ کتابت نہ ہوتی تو دِین و دنیا کے کام قائم نہ رہ سکتے ۔

عَلَّمَ الْاِنْسَانَ مَا لَمْ یَعْلَمْ ۟ؕعَلَّمَ الۡاِنۡسَانَ مَا لَمۡ يَعۡلَمۡؕ

آدمی کو سکھایا جو نہ جانتا تھا (ف۶)

— خزائن العرفان

كَلَّاۤ اِنَّ الْاِنْسَانَ لَیَطْغٰۤی ۟ۙكَلَّاۤ اِنَّ الۡاِنۡسَانَ لَيَطۡغٰٓىۙ‏

ہاں ہاں بے شک آدمی سرکشی کرتا ہے

— خزائن العرفان

Tafseer of 96:5–6

(ف 6) آدمی سے مراد یہاں حضرت آدم ہیں اور جو انہیں سکھایا اس سے مراد علمِ اسماء ۔ اور ایک قول یہ ہے کہ انسان سے مراد یہاں سیّدِ عالَم صلی اللہ علیہ وآلہٖ وسلم ہیں کہ آپ کو اللہ تعالٰی نے جمیع اشیاء کے علوم عطا فرمائے ۔ (معالم وخازن)

اَنْ رَّاٰهُ اسْتَغْنٰی ۟ؕاَنۡ رَّاٰهُ اسۡتَغۡنٰىؕ

اس پر کہ اپنے آپ کو غنی سمجھ لیا (ف۷)

— خزائن العرفان

Tafseer of 96:7

(ف 7) یعنی غفلت کا سبب دنیا کی محبّت اور مال پر تکبر ہے ۔ یہ آیتیں ابوجہل کے حق میں نازل ہوئیں اس کو کچھ مال ہاتھ آگیا تھا تو اس نے لباس اور سواری اور کھانے پینے میں تکلّفات شروع کئے اور اس کا غرور و تکبر بہت بڑھ گیا ۔

اِنَّ اِلٰی رَبِّكَ الرُّجْعٰی ۟ؕاِنَّ اِلٰى رَبِّكَ الرُّجۡعٰىؕ‏

بے شک تمہارے رب ہی کی طرف پھرنا ہے (ف۸)

— خزائن العرفان

اَرَءَیْتَ الَّذِیْ یَنْهٰی ۟ۙاَرَءَيۡتَ الَّذِىۡ يَنۡهٰىؕ

بھلا دیکھو تو جو منع کرتا ہے

— خزائن العرفان

Tafseer of 96:8–9

(ف 8) یعنی انسان کو یہ بات پیشِ نظر رکھنی چاہئے اور سمجھنا چاہئے کہ اسے اللہ کی طرف رجوع کرنا ہے تو سرکشی و طغیان اور غرور و تکبر کا انجام عذاب ہوگا ۔

عَبْدًا اِذَا صَلّٰی ۟ؕعَبۡدًا اِذَا صَلّٰىؕ‏

بندہ کو جب وہ نماز پڑھے (ف۹)

— خزائن العرفان

اَرَءَیْتَ اِنْ كَانَ عَلَی الْهُدٰۤی ۟ۙاَرَءَيۡتَ اِنۡ كَانَ عَلَى الۡهُدٰٓىۙ

بھلا دیکھو تو اگر وہ ہدایت پر ہوتا

— خزائن العرفان

اَوْ اَمَرَ بِالتَّقْوٰی ۟ؕاَوۡ اَمَرَ بِالتَّقۡوٰىۙ‏

یاپرہیزگاری بتاتا تو کیا خوب تھا

— خزائن العرفان

Tafseer of 96:10–12

(ف 9) شانِ نزول : یہ آیت بھی ابوجہل کے حق میں نازل ہوئی اس نے نبی کریم صلی اللہ علیہ وآلہٖ وسلم کو نماز پڑھنے سے منع کیا تھا اور لوگوں سے کہا تھا کہ اگر میں انہیں ایسا کرتا دیکھوں گا تو ( معاذ اللہ) گردن پاؤں سے کچل ڈالوں گا اور چہرہ خاک میں ملادوں گا ، پھر وہ اسی ارادۂِ فاسدہ سے حضور صلی اللہ علیہ وآلہٖ وسلم کے نماز پڑھتے میں آیا اور حضور صلی اللہ علیہ وآلہٖ وسلم کے قریب پہنچ کر الٹے پاؤں پیچھے بھاگا ، ہاتھ آگے بڑھائے ہوئے جیسے کوئی کسی مصیبت کو روکنے کے لئے ہاتھ آگے بڑھاتا ہے ، چہرہ کا رنگ اڑ گیا ، اعضاء کا نپنے لگے ، لوگوں نے کہا کیا حال ہے ، کہنے لگا میرے اور محمّد (مصطفٰی صلی اللہ علیہ وآلہٖ وسلم) کے درمیان ایک خندق ہے جس میں آ گ بھری ہوئی ہے اور دہشت ناک پرند بازو پھیلائے ہوئے ہیں سیّدِ عالَم صلی اللہ علیہ وآلہٖ وسلم نے فرمایا اگر وہ میرے قریب آتا تو فرشتے اس کا عضو عضو جدا کر ڈالتے ۔

اَرَءَیْتَ اِنْ كَذَّبَ وَتَوَلّٰی ۟ؕاَرَءَيۡتَ اِنۡ كَذَّبَ وَتَوَلّٰىؕ

بھلا دیکھو تو اگر جھٹلایا (ف۱۰) اور منہ پھیرا (ف۱۱)

— خزائن العرفان

Tafseer of 96:13

(ف 10) نبی کریم صلی اللہ علیہ وآلہٖ وسلم کو ۔

(ف 11) ایمان لانے سے ۔

اَلَمْ یَعْلَمْ بِاَنَّ اللّٰهَ یَرٰی ۟ؕاَلَمۡ يَعۡلَمۡ بِاَنَّ اللّٰهَ يَرٰىؕ

تو کیا حال ہوگا کیا نہ جانا (ف۱۲)کہ اللّٰہ دیکھ رہا ہے(ف۱۳)

— خزائن العرفان

Tafseer of 96:14

(ف 12) ابوجہل نے ۔

(ف 13) اس کے فعل کو ۔ پس جزا دے گا ۔

كَلَّا لَىِٕنْ لَّمْ یَنْتَهِ ۙ۬— لَنَسْفَعًا بِالنَّاصِیَةِ ۟ۙكَلَّا لَئِنۡ لَّمۡ يَنۡتَهِ ۙ لَنَسۡفَعًۢا بِالنَّاصِيَةِۙ

ہا ں ہاں اگر باز نہ آیا (ف۱۴)تو ہم ضرور پیشانی کے بال پکڑ کر کھینچیں گے (ف۱۵)

— خزائن العرفان

نَاصِیَةٍ كَاذِبَةٍ خَاطِئَةٍ ۟ۚنَاصِيَةٍ كَاذِبَةٍ خَاطِئَةٍ‌

کیسی پیشانی جھوٹی خطا کار

— خزائن العرفان

Tafseer of 96:15–16

(ف 14) سیّدِ عالَم صلی اللہ علیہ وآلہٖ وسلم کی ایذا اور آپ کی تکذیب سے ۔

(ف 15) اور اس کو جہنّم میں ڈالیں گے ۔

فَلْیَدْعُ نَادِیَهٗ ۟ۙفَلۡيَدۡعُ نَادِيَهٗ

اب پکارے اپنی مجلس کو (ف ۱۶)

— خزائن العرفان

Tafseer of 96:17

(ف 16) شانِ نزول : جب ابوجہل نے نبی کریم صلی اللہ علیہ وآلہٖ وسلم کو نماز سے منع کیا تو حضور صلی اللہ علیہ وآلہٖ وسلم نے اس کو سختی سے جھڑک دیا اس پر اس نے کہا کہ آپ مجھے جھڑکتے ہیں خدا کی قَسم میں آپ کے مقابل نوجوان سواروں اور پیدلوں سے اس جنگل کو بھردوں گا ، آپ جانتے ہیں کہ مکّہ مکرّمہ میں مجھ سے زیادہ بڑے جتھے اور مجلس والا کوئی نہیں ہے ۔

سَنَدْعُ الزَّبَانِیَةَ ۟ۙسَنَدۡعُ الزَّبَانِيَةَ

ابھی ہم سپاہیوں کو بلاتے ہیں (ف۱۷)

— خزائن العرفان

Tafseer of 96:18

(ف 17) یعنی عذاب کے فرشتوں کو ۔ حدیث شریف میں ہے کہ اگر وہ اپنی مجلس کو بلا تا تو فرشتے اس کو بالاعلان گرفتار کرتے ۔

كَلَّا ؕ— لَا تُطِعْهُ وَاسْجُدْ وَاقْتَرِبْ ۟كَلَّا ؕ لَا تُطِعۡهُ وَاسۡجُدۡ وَاقۡتَرِبْ۩

ہاں ہاں اس کی نہ سنو اور سجدہ کرو (ف۱۸) اور ہم سے قریب ہوجاؤ

— خزائن العرفان

Tafseer of 96:19

(ف 18) یعنی نماز پڑھتے رہو ۔