The Night · Meccan · 21 ayahs · 1 ruku
بِسْمِ اللّٰهِ الرَّحْمٰنِ الرَّحِیْمِ
Loading…
وَالَّیْلِ اِذَا یَغْشٰی ۟ۙوَالَّيۡلِ اِذَا يَغۡشٰىۙ
اور رات کی قسم جب چھائے (ف۲)
— خزائن العرفان
(ف 2) جہاں پر اپنی تاریکی سے ، کہ وہ وقت ہے خَلق کے سکون کا ہر جاندار اپنے ٹھکانے پر آتا ہے اور حرکت واضطراب سے ساکن ہوتا ہے اور مقبولانِ حق صدقِ نیاز سے مشغولِ مناجات ہوتے ہیں ۔
وَالنَّهَارِ اِذَا تَجَلّٰی ۟ۙوَالنَّهَارِ اِذَا تَجَلّٰىۙ
اور دن کی جب چمکے (ف۳)
— خزائن العرفان
(ف 3) اور رات کے اندھیرے کو دور کرے کہ وہ وقت ہے سوتوں کے بیدار ہونے کا اور جانداروں کے حرکت کرنے کا اور طلبِ معاش میں مشغول ہونے کا ۔
وَمَا خَلَقَ الذَّكَرَ وَالْاُنْثٰٓى ۟ۙوَمَا خَلَقَ الذَّكَرَ وَالۡاُنۡثٰٓىۙ
اور اس (۴) کی جس نے نر و مادہ بنائے(ف۵)
— خزائن العرفان
(ف 4) قادر ، عظیم القدرت ۔
(ف 5) ایک ہی پانی سے ۔
اِنَّ سَعْیَكُمْ لَشَتّٰی ۟ؕاِنَّ سَعۡيَكُمۡ لَشَتّٰىؕ
بے شک تمہاری کوشش مختلف ہے (ف۶)
— خزائن العرفان
(ف 6) یعنی تمہارے اعمال جداگانہ ہیں ، کوئی طاعت بجالا کر جنّت کے لئے عمل کرتا ہے ، کوئی نافرمانی کرکے جہنّم کے لئے ۔
فَاَمَّا مَنْ اَعْطٰی وَاتَّقٰی ۟ۙفَاَمَّا مَنۡ اَعۡطٰى وَاتَّقٰىۙ
تو وہ جس نے دیا (ف۷) اور پرہیزگاری کی (ف۸)
— خزائن العرفان
(ف 7) اپنا مال راہِ خدا میں اور اللہ تعالٰی کے حق کو ادا کیا ۔
(ف 8) ممنوعات و محرمات سے بچا ۔
وَصَدَّقَ بِالْحُسْنٰی ۟ۙوَصَدَّقَ بِالۡحُسۡنٰىۙ
اور سب سے اچھی کو سچ مانا (ف۹)
— خزائن العرفان
(ف 9) یعنی ملّتِ اسلام کو ۔
فَسَنُیَسِّرُهٗ لِلْیُسْرٰی ۟ؕفَسَنُيَسِّرُهٗ لِلۡيُسۡرٰىؕ
تو بہت جلد ہم اسے آسانی مہیا کردیں گے (ف۱۰)
— خزائن العرفان
(ف 10) جنّت کے لئے اور اسے ایسی خصلت کی توفیق دیں گے جو اس کے لئے سببِ آسانی و راحت ہو اور وہ ایسے عمل کرے جن سے اس کا رب راضی ہو ۔
وَاَمَّا مَنْ بَخِلَ وَاسْتَغْنٰی ۟ۙوَاَمَّا مَنۡۢ بَخِلَ وَاسۡتَغۡنٰىۙ
اور وہ جس نے بُخل کیا(ف۱۱) اور بے پرواہ بنا (ف۱۲)
— خزائن العرفان
(ف 11) اور مال نیک کاموں میں خرچ نہ کیا اور اللہ تعالٰی کے حق ادا نہ کئے ۔
(ف 12) ثواب اور نعمتِ آخرت سے ۔
وَكَذَّبَ بِالْحُسْنٰی ۟ۙوَكَذَّبَ بِالۡحُسۡنٰىۙ
اور سب سے اچھی کو جھٹلایا (ف۱۳)
— خزائن العرفان
(ف 13) یعنی ملّتِ اسلام کو ۔
فَسَنُیَسِّرُهٗ لِلْعُسْرٰی ۟ؕفَسَنُيَسِّرُهٗ لِلۡعُسۡرٰىؕ
تو بہت جلد ہم اسے دشواری مہیاکردیں گے (ف۱۴)
— خزائن العرفان
(ف 14) یعنی ایسی خصلت جو اس کے لئے دشواری و شدّت کا سبب ہو اور اسے جہنّم میں پہنچائے ۔
شانِ نزول : یہ آیتیں حضرت ابوبکر صدیق رضی اللہ تعالٰی عنہ اور اُمیّہ بن خلف کے حق میں نازل ہوئیں جن میں سے ایک حضرت صدیق ا تقی ہیں اور دوسرا اُمیّہ اشقی ۔ اُمیّہ ا بنِ خلف حضرت بلال کو جو اس کی مِلک میں تھے دِین سے منحرف کرنے کے لئے طرح طرح کی تکلیفیں دیتا تھا ۔ اور انتہائی ظلم اور سختیاں کرتا تھا ایک روز حضرت صدیق رضی اللہ تعالٰی عنہ نے دیکھا کہ اُمیّہ نے حضرت بلال کو گرم زمین پر ڈال کر تپتے ہوئے پتّھر ان کے سینہ پر رکھے ہیں اور اس حال میں کلمۂِ ایمان ان کی زبان پر جاری ہے ، آپ نے اُمیّہ سے فرمایا اے بدنصیب ایک خدا پرست پر یہ سختیاں اس نے کہا آپ کو اس کی تکلیف ناگوار ہو تو خرید لیجئے آپ نے گراں قیمت پر ان کو خرید کر آزاد کردیا اس پر یہ سورت نازل ہوئی اس میں بیان فرمایا گیا کہ تمہاری کوششیں مختلف ہیں یعنی حضرت ابوبکر صدیق رضی اللہ تعالٰی عنہ کی کوشش اور اُمیّہ کی اور حضرت صدیق رضی اللہ تعالٰی عنہ رضائے الٰہی کے طالب ہیں اُمیّہ حق کی دشمنی میں اندھا ۔
وَمَا یُغْنِیْ عَنْهُ مَالُهٗۤ اِذَا تَرَدّٰی ۟ؕوَمَا يُغۡنِىۡ عَنۡهُ مَالُهٗۤ اِذَا تَرَدّٰىؕ
اور اس کا مال اسے کام نہ آئے گا جب ہلاکت میں پڑے گا(ف۱۵)
— خزائن العرفان
(ف 15) مرکر گور میں جائے گا یا قعرِ جہنّم میں پہنچے گا ۔
اِنَّ عَلَیْنَا لَلْهُدٰی ۟ؗۖاِنَّ عَلَيۡنَا لَـلۡهُدٰى
بے شک ہدایت فرمانا (ف۱۶) ہمارے ذمہ ہے
— خزائن العرفان
وَاِنَّ لَنَا لَلْاٰخِرَةَ وَالْاُوْلٰی ۟وَاِنَّ لَـنَا لَـلۡاٰخِرَةَ وَالۡاُوۡلٰى
اور بے شک آخرت اور دنیا دونوں کے ہمیں مالک ہیں
— خزائن العرفان
فَاَنْذَرْتُكُمْ نَارًا تَلَظّٰی ۟ۚفَاَنۡذَرۡتُكُمۡ نَارًا تَلَظّٰىۚ
تو میں تمہیں ڈراتا ہوں اس آ گ سے جو بھڑک رہی ہے
— خزائن العرفان
(ف 16) یعنی حق اور باطل کی راہوں کو واضح کردینا اور حق پر دلائل قائم کرنا اور احکام بیان فرمانا ۔
لَا یَصْلٰىهَاۤ اِلَّا الْاَشْقَی ۟ۙلَا يَصۡلٰٮهَاۤ اِلَّا الۡاَشۡقَىۙ
نہ جائے گا اس میں (ف۱۷) مگر بڑا بدبخت
— خزائن العرفان
(ف 17) بطریقِ لزوم و دوام ۔
الَّذِیْ كَذَّبَ وَتَوَلّٰی ۟ؕالَّذِىۡ كَذَّبَ وَتَوَلّٰىؕ
جس نے جھٹلایا (ف۱۸) اور منہ پھیرا (ف۱۹)
— خزائن العرفان
وَسَیُجَنَّبُهَا الْاَتْقَی ۟ۙوَسَيُجَنَّبُهَا الۡاَتۡقَىۙ
اور بہت جلداس سے دور رکھا جائے گا جو سب سے بڑا پرہیزگار ۔
— خزائن العرفان
(ف 18) رسول صلی اللہ علیہ وآلہٖ وسلم کو ۔
(ف 19) ایمان سے ۔
الَّذِیْ یُؤْتِیْ مَالَهٗ یَتَزَكّٰی ۟ۚالَّذِىۡ يُؤۡتِىۡ مَالَهٗ يَتَزَكّٰىۚ
جو اپنا مال دیتا ہے کہ ستھرا ہو (ف۲۰)
— خزائن العرفان
(ف 20) اللہ تعالٰی کے نزدیک یعنی اس کا خرچ کرنا ریا و نمائش سے پاک ہے ۔
وَمَا لِاَحَدٍ عِنْدَهٗ مِنْ نِّعْمَةٍ تُجْزٰۤی ۟ۙوَمَا لِاَحَدٍ عِنۡدَهٗ مِنۡ نِّعۡمَةٍ تُجۡزٰٓىۙ
اور کسی کا اس پر کچھ احسان نہیں جس کا بدلہ دیا جائے (ف۲۱)
— خزائن العرفان
اِلَّا ابْتِغَآءَ وَجْهِ رَبِّهِ الْاَعْلٰی ۟ۚاِلَّا ابۡتِغَآءَ وَجۡهِ رَبِّهِ الۡاَعۡلٰىۚ
صرف اپنے رب کی رضا چاہتا جو سب سے بلند ہے
— خزائن العرفان
(ف 21) شانِ نزول : جب حضرت صدیق اکبر رضی اللہ تعالٰی عنہ نے حضرت بلال کو بہت گراں قیمت پر خرید کر آزاد کیا تو کفّار کو حیرت ہوئی اور انہوں نے کہا حضرت صدیق رضی اللہ تعالٰی عنہ نے ایسا کیوں کیا ؟ شاید بلال کا ان پر کوئی احسان ہوگا جو انہوں نے اتنی گراں قیمت دے کر خریدا اور آزاد کیا ، اس پر یہ آیت نازل ہوئی اور ظاہر فرمادیا گیا کہ حضرت صدیق رضی اللہ تعالٰی عنہ کا یہ فعل محض اللہ تعالٰی کی رضا کے لئے ہے کسی کے احسان کا بدلہ نہیں اور نہ ان پر حضرت بلال وغیرہ کا کوئی احسان ہے ۔ حضرت صدیق اکبر رضی اللہ تعالٰی عنہ نے بہت لوگوں کو ان کے اسلام کے سبب خرید کر آزاد کیا ۔
وَلَسَوْفَ یَرْضٰی ۟۠وَلَسَوۡفَ يَرۡضٰى
اور بے شک قریب ہے کہ وہ راضی ہوگا(ف۲۲)
— خزائن العرفان
(ف 22) اس نعمت و کرم سے جو اللہ تعالٰی ان کو جنّت میں عطا فرمائے گا ۔