79. Surah An-Naazi'aat

النازعاتThose who drag forth · 46 ayahsجواھر القرآن

Read Surah An-Naazi'aat in the Quran reader
Ayahs 79:40–41

وَ اَمَّا مَنْ خَافَ مَقَامَ رَبِّهٖ وَ نَهَى النَّفْسَ عَنِ الْهَوٰىۙ Open ayah 79:40 in the Quran reader

اور جو15 کوئی ڈرا ہو اپنے رب کے سامنے کھڑے ہونے سے اور روکا ہو اس نے اپنے جی کو خواہش سے

فَاِنَّ الْجَنَّةَ هِیَ الْمَاْوٰىؕ Open ayah 79:41 in the Quran reader

سو بہشت ہی ہے اس کا ٹھکانا

ف 15:۔ واما من خاف یہ بشارت اخرویہ ہے لیکن جو لوگ قیامت کے دن اللہ رب العزۃ کی بارگاہ میں کھڑے ہونے سے ڈر گئے اور نفس کو خواہشات سے روک کر اللہ تعالیٰ کی اطاعت کرتے رہے تو ان کا ٹھکانا جنت میں ہوگا۔
Ayahs 79:42–44

یَسْئَلُوْنَكَ عَنِ السَّاعَةِ اَیَّانَ مُرْسٰىهَاؕ Open ayah 79:42 in the Quran reader

تجھ16 سے پوچھتے ہیں وہ گھڑی کب ہوگا قیام اس کا

فِیْمَ اَنْتَ مِنْ ذِكْرٰىهَاؕ Open ayah 79:43 in the Quran reader

تجھ کو کیا کام اس کے ذکر سے

اِلٰى رَبِّكَ مُنْتَهٰىهَاؕ Open ayah 79:44 in the Quran reader

تیرے رب کی طرف ہے پہنچ اس کی

16:۔ ” یسئلونک “ یہ شکوی ہے۔ ” مرسی “ مصدر ہے بمعنی ” ارساء “ یعنی اقامت۔ مشرکین آپ سے بطور استہزاء سوال کرتے ہیں کہ قیامت کب آئیگی اور کب اللہ تعالیٰ اس کو ظاہر فرمائے گا۔ یریدون متی یقیمہا اللہ تعالیٰ ویکونہا الخ (روح) ۔ ” فیم انت من ذکریھا “ یہ مشرکین کے سوال کا رد اور اس پر انکار ہے آپ کس بنیاد پر ان کے سامنے قیامت کا وقت معین بیان کریں گے اس کا وقت معین تو خود آپ کو بھی معلوم نہیں اس کا علم تو صرف اللہ تعالیٰ کی طرف راجع اور منتہی ہے اور اس کے سوا کسی کو اس کا علم نہیں، تو پھر یہ لوگ آپ سے کیوں سوال کرتے ہیں۔ الیہ عز وجل انتھاء علمہا لیس لاحد منہ شتی کائنا ما کان فلای شیء یسئلونک عنہا (روح ج 30 ص 37) ۔ ” الی ربک منتہا “ ای منتہی علمہا فلا یوجد عند غیرہ علم الساعۃ (قرطبی ج 19 ص 207) ۔
Ayah 79:45

اِنَّمَاۤ اَنْتَ مُنْذِرُ مَنْ یَّخْشٰىهَاؕ Open ayah 79:45 in the Quran reader

تو تو17 ڈر سنانے کے واسطے ہے اس کو جو اس سے ڈرتا ہے

17:۔ ” انما انت “ یہ مشرکین کے سوال کا جواب ہے آپ تو قیامت کے اہوا و شدائد سے ڈرنے والوں کو ڈرانے والے اور خبردار کرنے والے ہیں یہی آپ کا فریضہ ہے آپ قیامت کا وقت معین بتانے کے لیے نہیں آئے۔ اسی لیے آپ کو اس کا علم بھی نہیں دیا گیا۔ لم تبعث لتعلمہم بوقت الساعۃ وانما بعثت لتنذر من اھوالہا من یخاف شدائدھا (مدارک) ۔
Ayah 79:46

كَاَنَّهُمْ یَوْمَ یَرَوْنَهَا لَمْ یَلْبَثُوْۤا اِلَّا عَشِیَّةً اَوْ ضُحٰىهَا۠ Open ayah 79:46 in the Quran reader

ایسا18 لگے گا جس دن دیکھیں گے اس کو کہ نہیں ٹھہرے تھے دنیا میں مگر ایک شام یا صبح اس کی

18:۔ ” کانہم “ یہ ” یظنون “ مقدر کا مفعول ہے اور ” یوم “ ظرف اسی فعل مقدر کے ساتھ متعلق ہے اصل عبارت اس طرح ” یوم یرونہا یظنون کانہم لم یلبثوا الخ “ اب تو قیامت کو نہیں مانت اور بطور استہزاء اس کے معین وقت سے سوال کرتے ہیں تو جب قیامت کو دیکھ لیں گے تو دنیا میں رہنے کا وقت ان کو بہت ہی مختصر نظر آئے گا اور وہ یہ سمجھیں گے کہ گویا دنیا میں وہ صرف عشیہ (ظہر تا مغرب) کی مقدار ٹھیرے ہیں یا اس سے بھی کم یعنی صرف ضحی (طلوع آفتاب سے دو نیزہ کی مقدار تک) کا زمانہ ٹھیرے ہیں۔ یعنی قیامت کے اہوال و شدائد کی وجہ سے انہیں دنیا کی زندگی کا وقت بہت کم معلوم ہوگا راحت کے بعد مصیبت میں راحت کا وقت بہت تھوڑا معلوم ہوتا ہے۔ ” ضحہا “ کی ضمیر مجرور ” عشیۃ “ کی طرف راجع ہے لیکن اس پر اعتراض وارد ہوتا ہے کہ ” عشیۃ “ کا تو کوئی ” ضحی “ ہوتا ہی نہیں، تو اس کا جواب یہ ہے کہ یہ اضافت بانی ملابست ہے اور مراد عشیہ کے دن کا ضحی ہے۔ قال الفراء والزجاج المراد باضافۃ الضحی الی العشیۃ اضافتہا الی یوم العشیۃ او ضحی یومہا (کبیر ج 89 ص 469) ۔ یا مراد یہ ہے کہ عشیہ میں سے ضحی کا قدر۔ (الشیخ (رح) تعالی) سورة النازعات ختم ہوئی