Ayahs 32:1–2تفسیر (1۔ 2) ۔۔۔۔۔۔۔ ، الم تنزیل الکتاب لا ریب فیہ من رب العالمین ، مقاتل کا بیان ہے کہ اس پر کوئی شک نہیں کہ یہ رب العالمین کی طرف سے بھیجا ہوا ہے۔
Ayahs 32:3–43، ام یقولون ، بلکہ وہ کہتے ہیں ، افتراہ ، بعض نے کہا میم صلہ کے لیے ہے کیا یہ جھوٹ گھڑتے ہیں ، استفہام تو بیخ ہے۔ بعض نے کہا ام بمعنی واؤہے وہ جھوٹ کہتے ہیں۔ بعض نے کہا کہ اس میں اضما رہے کیا وہ ایمان لائے ہیں یا وہ جھوٹ بولتے ہیں ۔ پھر فرمایا ، بل ھو، اس سے مراد قرآن ہے۔ ، الحق من ربک لتنذرقوما ما اتاھم ، یہ رب کی طرف سے اتری ہوئی کتاب ہے یہ خود اس کتاب کو نہیں لائے۔ ، من قبلک قتادہ کا قول ہے کہ وہ امت امی ہے ان کے پاس آپ ﷺ سے پہلے کوئی ڈرانے والا نہیں آیا۔ ابن عباس ؓ اور مقاتل بیان ہے یہ فترت کے زمانے کی بات ہے ۔ جو حضرت عیسیٰ (علیہ السلام) اور محمد ﷺ کے درمیان کا زمانہ ہے ۔ ، لعلھم یھتدون،
Ayah 32:55، یدبرالامر، وہ امر کی تدبیر رتا ہے اور اپنا فیصلہ اور قداتارتا ہے۔ من السماء الی الارض ، وحی کو آسمان سے زمین کی طرف جبرئیل کے ہاتھ بھیجتا ہے ۔ ، ثم یعرج ، پھر واپس چڑ ھتے ہیں ۔ ، الیہ ، اللہ کے حکم سے حضرت جبرئیل ۔ ، فی یوم کان مقدار ہ الف سنۃ مما تعدون، دنیا کے ایام میں سے ایک دن کی مقدار اور اس کی مقدار مسافت پانچ سوبرس کے برابر ہوگی ۔ کہا جاتا ہے کہ بنی آدم میں سے کوئی آسمان سے زمین کی طرف گرجائے تو وہ ہزار سال کے بعد زمین تک پہنچے گا۔ اتنی مدت مسافت فرشتے ایک دن میں طے کرتے ہیں ۔ یہ وصف فرشتوں کا زمین سے آسمان کی طرف چڑھنے کا ہے اور اللہ تعالیٰ کا فرمان ، تعرج الملائکۃ والروح الیہ فی یوم کان مقدارہ خمسین الف سنۃ، اس میں مدت مسافت زمین سے سدرۃ المنتہیٰ مراد ہے۔ یہی حضرت جبرئیل (علیہ السلام) کا مقام ہے تو اس تفسیر پر آیت کا مطلب یہ ہوگا کہ جبرئیل (علیہ السلام) اپنے مقامی ساتھی ملائکہ کو ہمراہ لے کر سدرۃ المنتہیٰ کی مسافت تک کے بقدربہت ہی تھوڑے وقت میں طے کرلیتے ہیں جو تمہاری رفتار کی گنتی کے پچاس ہزار برس کے برابر ہوتا ہے لیکن اتنی بڑی مسافت جبرئیل (علیہ السلام) مع ملائکہ آن کی آن میں طے کرلیتے ہیں ۔
میرے نزدیک دونوں آیتوں میں زمین سے سدرۃ المنتہیٰ تک کی مراد ہوسکتی ہے۔
بعض اہل علم نے اس کا یہ مطلب یہ بیان کیا ہے کہ اللہ دنیاوی امور کا انتظام سماوی اسباب یعنی ملائکہ وغیرہ کے ذریعے سے کرتا ہے جن کے آثارزمین تک آتے ہیں پھر جب دنیا فنا ہوجائے گی حاکموں کا حکم اور اقتداروالوں کا اقتدارختم ہوجائے گا تو ہر حکم و انتظام کا رجوع اللہ کی طرف ہوجائے گا اور یہ اس روز ہوگا جس کی مقدار ہزار برس کے برابر ہوگی ۔ دونوں حدیثوں کے درمیان تعارض کو ختم کرنے کے لیے کہا جائے گا کہ مدت کا اختلاف اشخاص کے تاثر کی وجہ سے ہے ۔ بعض لوگوں کے لیے وہ پچاس ہزار سال کا دن ہوگا اور بعض کے لیے ایک ہزار برس کا اور بعض لوگوں کے لیے دنیا کے اس دن سے بھی کم مدت محسوس ہوگی۔ اس کی تائید اس حدیث سے بھی ہوتی ہے کہ مؤمن کے لے اس دن کی مقداراتنی ہوگی جتنی اس نے دنیا میں فرض نماز پڑھی ہوگی۔ ابراہیم تیمی کا قول ہے کہ مؤمنوں کے لیے قیامت کے دن کا طو ل اتنا ہوگا جنتی مدت ظہر اور عصر کے درمیان ہوتی ہے۔
ابن ابی ملیکہ نے بیان کیا ہے کہ میں اور حضرت عثمان کے آزاد کردہ غلام عبداللہ بن فیروز حضرت ابن عباس ؓ کی خدمت میں حاضر ہوئے اور اس آیت اور، خمسین الف سنۃ، والی آیت کے بارے میں دریافت کیا ۔ حضرت ابن عباس ؓ نے فرمایا جن ایام کا ذکر اللہ نے کیا ہے مجھے اس کی بابت کچھ معلوم نہیں اور بغیر جانے اللہ کے کلام کے متعلق کچھ کہنا میں مناسب نہیں سمجھتا۔
Ayah 32:6تفسیر 6۔ ، ذلک عالم الغیب والشھادۃ، اللہ تعالیٰ نے زمین و آسمان اور اس کے درمیان جو کچھ پیدا کیا ان سب کو جانتا ہے جو پوشیدہ ہیں ان کو بھی اور جو سامنے حاضر ہیں ان کو بھی جاننے والا ہے ۔ ، العزیزالرحیم،
Ayah 32:77، الذی احسن کل شیء خلقہ ، نافع اور اہل کوفہ نے ، خلقہ، لام کے فتحہ کے ساتھ پڑھا ہے اور دوسرے قراء نے سکون کے ساتھ پڑھا ہے کہ اس نے جو چیز پیدا کی وہ خوب بنائی ۔ ابن عباس ؓ کا قول ہے کہ احسن کا ترجمہ احکم و اتقن سے کیا ہے ۔ یعنی اللہ تعالیٰ نے ہرچیز کو محکم بنایا ہے ۔ مقاتل نے احسن کا ترجمہ علم سے کیا ہے یعنی اللہ جانتا ہے کہ ہر چیز کو وہ کیسے پیدا کرتا ہے ۔ عرب والے کہتے ہیں ، فلان یحسن کذا، کہ فلاں شخص خوب جانتا ہے کہ ایسا کام کس طرح کرے گا۔ بعض نے کہا کہ حیوان کو اس کی صورت پر پیدا کیا اور بعض کو دوسرے کے ہم شکل نہیں بنا یا ، ہر حیوان کو اس کے کامل حسن کے ساتھ پیدا کیا اور اس کے اعضاء میں سے ہر ہر عضوکو اس کی مقدار کے بقدر پیدا کیا جس کی معاش میں صلاحیت میں اس کو ضرورت ہو۔
Ayah 32:8وبدا خلق الا نسان من طین، اس سے مراد آدم (علیہ السلام) ہیں۔
8، ثم جعل نسلہ، پھر ان کی ذریت کو بنایا ۔ ، من سلالۃ ، نطفہ سے اس کو سلالۃ اس وجہ سے کہتے ہیں کہ نطفہ انسان کے جسم سے کھینچ کر آتا ہے۔ ، من ماء مھین ، اور وہ کمزور ہے اس سے مراد مرد کا نطفہ ہے۔
Ayah 32:99، ثم سواہ، پھر اس کی خلقت کو برابر کیا۔ ونفع فیہ من روحہ، پھر وہ ذریت کی طرف لوٹے گا اور کہا، وجعل لکم ، اس نطفے کے بعد تمہیں بنایا۔ ، السمع والا بصار والافئدقلیلا ماتشکرون، وہ اپنے رب کا شکر ادا نہیں کرتے۔ اس کی توحید کا اقرار کم کرتے ہو اور اس کی عبادت کم کرتے ہو۔
Ayah 32:10تفسیر 10، وقالوا، منکرین بعث کہنے لگے ، ء اذا ضللنا، کیا ہم ہلاک ہوجائیں گے۔ ، فی الارض ، جب ہم مٹی مٹی ہوجائیں گے تو از سرنودوبارہ زندہ کیا جائے گا ۔ ، ضل الماء فی اللبن، یہ عرب کا محاورہ ہے یعنی دودھ میں پانی اس طرح مل کر کھوگیا کہ کوئی امتیاز باقی نہیں رہا۔ ، ء انا لفی خلق جدید استفہام انکاری ہے۔ ، بل ھم بلقاء ربھم کافرون، بعث بعد الموت کے منکر ہیں۔
Ayah 32:1111، قل یتوفاکم ، تمہاری روحوں کو قبض کرلے گا۔ ، ملک الموت الذی وکل بکم موت کے فرشتے سے مراد حضرت عزرائیل (علیہ السلام) ہیں ۔ توفی استیفا عدد مضروب کو کہاجاتا ہے۔ معنی یہ ہوگا کہ موت کا فرشتہ تمہاری جانوں کو پورا پورا لے لیگا، جان کا کوئی حصہ نہیں چھوڑے گا یا کسی کو نہیں چھوڑے گا۔
روایت میں آتا ہے کہ ملک الموت کے لیے دنیا ایک ہتھیلی میں رکھ دی گئی ہے اس دنیا سے جس کو چاہتے ہیں بآسانی روح قبض کرلیتے ہیں۔ مخلوق میں سے کسی کو مشرق میں ہو یا مغرب میں وہ قبض کرلیتے ہیں ۔ ان کے ساتھ مددگار فرشتے بھی ہیں کچھ فرشتے رحمت والے اور کچھ فرشتے عذاب والے ۔ رحمت والے فرشتے مؤمنین کے لیے متعین ہیں اور عذاب کے فرشتے کافروں کے لیے ۔ ابن عباس ؓ کا قول ہے کہ عزرائیل (علیہ السلام) کا ایک قدم مشرق اور مغرب کے درمیان میں ہوتا ہے ۔ مجاہد کا قول ہے کہ حضرت عزرائیل (علیہ السلام) کے لیے زمین کو ایک طشت کی مانند کردیا، وہ جہاں سے چاہیں کسی نفس کی روح قبض کرلیں۔ بعض اخبار میں آیا ہے کہ ملک الموت آسمان و زمین کے درمیان موجود ہیں وہاں جس کی چاہیں روح کو قبض کرلیں ۔ جب ان کی روح اس کے گلے تک پہنچ جاتی ہے تو ملک الموت اس کی روح قبض کرلیتا ہے۔
خالد بن معدان حضرت معاذبن جبل ؓ سے روایت نقل کرتے ہیں کہ ملک الموت کے ہاتھ میں ایک گرز ہوتا ہے وہ مشرق ومغرب تک پہنچ جاتا ہے وہ گھر والوں کے ہر ایک کے چہرے کو مسح کرتا ہے اور یہ ہر دن دومرتبہ ہوتا ہے ۔ جب کسی انسان کی زندگی پوری ہوتے ہوئے دیکھتے ہیں تو اس کے سرپروہ گرزمارتا ہے اور وہ اس وقت کہتا ہے کہ یہ اس کی موت کی حالت ہے۔ ، ثم الی ربکم ترجعون، پھر ہم تمہیں دوبارہ زندہ کریں گے اور تمہیں تمہارے اعمال کا بدلہ دیں گے۔
Ayah 32:1212، ولو تری اذالمجرمون، اس سے مراد مشرکین ہیں۔ ، ناکسوارؤسھم، وہ اپنے سروں کو جھکائیں گے۔ ، عند ربھم ندامت اور غم کے مارے۔ ، ربنا، وہ یہ کہیں گے اے ہمارے رب ! ، ابصرنا ، جو وعید ہمیں سنائی تھی ہم نے اس کی تکذیب کی تھی ۔ ، وسمعنا، اور تم نے اپنے پیغمبروں کی تصدیق کردی جن کو ہم جھوٹا کہتے تھے ہم نے آج تیری طرف سے تصدیق سن لی تھی۔ بعض نے اس کا مطلب یہ بھی بیان کیا کہ ہم نے اپنے گناہ دیکھ لیے اور ہمارے متعلق جو کہا گیا ہم نے سن لیا۔ ، فارجعنا، ہمیں دنیا کی طرف دوبارہ لوٹا دے ۔ ، نعمل صالحا انا موقنون، جواب لو مضم رہے اس کی مجازی (تقدیری) عبارت یہ ہوگی جب وہ اس کو بطور تعجب کے دیکھ لیں گے۔
Ayah 32:1313، ولو شئنا لا تینا کل نفس ھداھا، اگر ہم چاہتے تو ہم اپنی تو فیق سے اس کے ایمان کے بقدر ہدایت دے دیتے ۔ ، ولکن حق، لیکن یہ بات طے ہوچکی ہے۔ ، القول منی لا ملئن جھنم من الجنۃ والناس اجمعین، یہ قول ابلیس کے لیے ہے کہ ، لا ملئن جھنم منک وممن تبعک منھم اجمعین، پھر یہی دوزخیوں کو خطاب کیا جائے گا۔ مقاتل کا بیان ہے کہ جب دوزخی دوزخ میں چلے جائیں گے تو ان کو دوزخ کے فرشتے کہیں گے۔
Ayah 32:1414، فذوقوابما نسیتم لقاء یومکم حذا، تم ایمان کو دنیا میں چھوڑدیا۔ ، انا نسینا کم ، ہم تمہیں چھوڑدیں گے۔ ، وذوقواعذاب الخلد بما کنتم تعملون، بسبب تمہارے کفر اور حق کو جھٹلانے کے ۔
Ayah 32:15تفسیر 15۔ ، انما یئومن بایاتنا الذین اذا ذکروابھا، جب ان کو نصیحت کی جاتی ہے۔ ، خرواسجدا، منہ کے بل گرپڑتے ہیں اللہ کے عذاب کے خوف سے ۔ ، وسبحوابحمد ربھم ، بعض کا قول ہے کہ وہ اپنے رب کے حکم سے نماز پڑھتے ہیں ۔ بعض نے کہا کہ وہ سبحان اللہ وبحمدہ کہیں گے۔ وھم لا یستکبرون، اور وہ ایمان و اطاعت سے غرور نہیں کرتے۔
Ayah 32:1616، تتجافی، دوررہتے ہیں ۔ ، جنوبھم عن المضاجع، مضاجع، مضجع کی جمع ہے وہ جگہ جہاں پر سوتے ہیں پھر وہ رات کے آخری پہر میں عبادت کرتے ہیں اور نماز کے لیے کھڑے ہوتے ہیں۔
تتجافی جنوبھم سے کون سے لوگ مراد ہیں
اس آیت کی تفسیر میں مفسرین کا اختلاف ہے۔ حضرت انس ؓ کی روایت ہے کہ یہ آیت انصار کے بارے میں نازل ہوئی ، ہم مغرب کی نماز پڑھ کر گھروں کو نہیں لوٹتے تھے یہاں تک کہ رسول اللہ ﷺ کے ساتھ عشاء کی نماز ادا کرتے تھے۔
حضرت انس ؓ ہی کی روایت ہے کہ اس آیت کا نزول کچھ صحابہ کے متعلق ہوا تھا جو مغرب کی نماز پڑھ کر عشاء کی نماز تک مسجد میں رہتے تھے۔ ابن ابی حازم اور منکدر کی روایت ہے کہ ان دونوں بزرگوں کا قول ہے کہ اس سے مراد صلوۃ اوابین ہے۔
ابن عباس ؓ کی روایت ہے کہ فرشتے ان لوگوں کی جماعت کو ڈھانپ لیتے ہیں جو مغرب اور عشاء پڑھ کر گھروں کو جاتے ہیں۔ (یعنی مغرب کی نماز کے بعد گھروں کو نہیں جاتے بلکہ صلوۃ اوابین پڑھتے رہتے ہیں، پھر عشاء کی نماز کا وقت جب آتا تو وہ عشاء پڑھ کرجاتے ۔ عطاء کا قول ہے کہ اس سے مراد وہ لوگ ہیں جو مغرب کے بعد سوتے نہیں ۔ یہاں تک کہ عشاء نہ پڑھ لیتے ۔ حضرت ابوالدرداء حضرت ابوذر اور حضرت عبادہ بن صامت ؓ عشاء اور فجر کی نماز رسول اللہ ﷺ کے ساتھ جماعت سے پڑھتے تھے ۔ دوسری روایت میں ہے کہ نبی کریم ﷺ نے ارشاد فرمایا جس نے عشاء کی نماز جماعت سے پڑھی اس نے آدھی رات نماز پڑھی اور جس نے فجر کی نماز جماعت سے پڑھی اس نے گویا پوری رات نماز میں گزاری۔
حضرت ابوہریرہ ؓ راوی ہیں کہ رسول ﷺ نے فرمایا، اگر لوگ اذان دینے اور پہلی صف میں شریک ہونے کا ثواب جانتے اور پھر بغیر قرعہ اندازی اذان دینا اور پہلی صف میں شریک ہونا ان کو میسر نہ آتا تو وہ ضرورقرعہ اندازی کرتے اور اگر ظہر کی (باجماعت) نماز کا ثواب ان کو معلوم ہوجائے تو دوڑ تے ہوئے پہلے پہنچے کی کوشش کریں اور اگر باجماعت عشاء اور فجر کی نمازوں کے ثواب سے وہ واقف ہوجائیں تو سرینوں کے بل گھسیٹ کر بھی پہنچیں ۔
حضرت معاذ ؓ نے فرمایا کہ میں نے عرض کیا یارسول اللہ ! مجھے کوئی ایسا عمل بتادیجئے جو مجھے جنت میں لے جائے دوزخ سے دوررکھے ۔ فرمایا : تونے بڑی بات دریافت کی اور اللہ جس کو توفیق دے اس کے لیے دشوار بھی نہیں تو اللہ (ہی) کی عبادت کر، اس کے ساتھ کسی چیز کو شریک قرار نہ دے نماز قائم کرزکٰوۃ اداکر رمضان کے روزے رکھ اور کعبہ کا حج کر۔ پھر فرمایاـ: کیا میں تجھے خیر کے دروازے نہ بتادوں ؟ (سن ! ) روزہ ڈھال ہے (گناہوں سے اور دوزخ سے بچا نے والا ، مترجم) خیرات گناہوں کو اس طرح بجھادیتی ہے جیسے پانی آگ کو اور وسط رات میں نماز پڑھنا بھی خیر (کا دروازہ) ہے۔ اس کے بعد حضور ﷺ نے آیت ، تتجافی جنوبھم۔۔۔۔۔۔۔۔ یعملون، تک تلاوت فرمائی ۔ پھر فرمایاـ: کیا میں تجھے امر (دین، مترجم) کا سر اور ستون اور کوہان کی چوٹی نہ بتادوں ؟ میں نے عرض کیا : کیوں نہیں ۔ فرمایا : امر (دین) کا سراسلام ہے اور اس کا ستون نماز ہے اور اس کے ہان کی چوٹی جہاد ہے ۔ اس کے بعد فرمایا : کیا میں تجھے اس سب کی جڑنہ بتادوں ؟ میں نے عرض کیا : کیوں نہیں ۔ حضور ﷺ نے اپنی زبان پکڑکر فرمایا : اس کو روکے رکھ ۔ میں نے عرض کیا : اے اللہ رسول ! کیا زہان سے بات کرنے پر بھی ہماری پکڑہوگی ۔ فرمایا : معاذ ! تجھے تیری ماں روئے ! منہ کے بل یاناک کے بل لوگوں کو دوزخ میں ڈالے جانے کی وجہ سے زبانوں کے نتائج (یعنی الفاظ) ہی تو ہوں گے۔
حضرت ابی امامہ الباہلی سے روایت ہے فرماتے ہیں کہ رسول اللہ ﷺ نے ارشاد فرمایا کہ تم رات کے قیام کو لازم پکڑکیون کہ یہ صالحین کا طریقہ رہا ہے اور تمہاراقرب ہے تمہارے رب کے ساتھ اور تمہارے گنا ہوں کا کفارہ ہے ۔ ان میں سے ایک گناہ بھی ہے۔ حضرت ابن مسعودؓ کی روایت سے بیان کیا ہے کہ رسول اللہ ﷺ نے فرمایا : اللہ دو آدمیوں کو بہت پسند فرماتا ہے ایک تو وہ جو اپنے بستر الحاف میں سے نکل کر محبوب بیوی بچوں کو چھوڑ کر نماز کو اٹھ کھڑا ہوتا ہے ۔ اللہ ملائکہ سے فرماتا ہے میرے بندے کو دیکھو جو اپنے بسترولحاف کے اندر سے نکل کر محبوب بیوی بچوں کو چھوڑ کر میرے ثواب کا امید وار ہوکر اور میرے عذاب سے ڈرکر اٹھ کھڑا ہوا ہے ۔ دوسراوہ شخص جو اللہ کی راہ میں لڑتا ہے پھر شکست پاکر اپنے ساتھیوں کے ساتھ بھاگ کھڑا ہوتا ہے پھر فرار کی حالت میں اس کو خیال آتا ہے کہ جہاد سے بھاگنا کتنا بڑاجرم ہے اور لوٹ کر جہاد میں شریک ہونا کتنی بڑی نیکی ہے ، یہ خیال کرتے ہی وہ لوٹ پڑتا ہے (جہاد میں جاکر شریک ہوتا ہے ) آخراس کا خون بہادیا جاتا ہے یعنی شہید ہوجاتا ہے ۔ اللہ ملائکہ سے فرماتا ہے کہ میر بندے کو دیکھو کہ کس طرح وہ میرے ثواب کی طلب میں اور میرے عذاب سے ڈرکر (جہاد کی طرف) لوٹ پڑا۔ یہاں تک کہ اس کا خون بہادیا گیا۔
حضرت ابوہریرہ ؓ کی روایت ہے کہ رسول اللہ ﷺ علیہ وسلم نے فرمایاــ: رمضان کے بعد سب سے افضل روزے خدا کے مہینے یعنی محرم کے روزے ہیں اور فرض نماز کے بعد سب سے افضل نماز رات کی نماز ہے۔ (رواہ مسلم شریف)
حضرت ابو مالک اشعری راوی ہیں کہ رسول اللہ ﷺ نے فرمایا : جنت میں کچھ بالاخانے ایسے ہیں جن کا اندرون باہر سے اور بیرون اندر سے نظرآتا ہے ۔ اللہ نے یہ ان لوگوں کے لیے تیارکیے ہیں جو کلام میں نرمی اختیار کرتے ہیں، حاجت مندوں کو کھانا کھلاتے ہیں ، بلاناغہ روزے رکھتے ہیں اور رات میں ایسے وقت نمازیں پڑھتے ہیں جب دوسرے لوگ سوئے ہوتے ہیں ۔ رواہ البیہقی فی شعب الایمان ۔ ترمذی نے یہ حدیث اسی طرح حضرت علی ؓ کی روایت سے بیان کی ہے۔ حضرت ابوہریرہ ؓ کی روایت سے حضرت عبداللہ ابن رواحہ (خزرجی انصاری صحابی ) کے یہ شعرنقل کیے ہیں :
وفینا رسول اللہ یتلواکتابہ اذا انشق معروف من الفجر ساطع
ارانا الھدی بعد العمی فقلوبنا بہ مئو قنات ان ماقال واقع
یبیت یجافی جنبہ عن فراشہ اذا استثقلت بالکافرین المضاجع
، ہم میں میں اللہ کے رسول ﷺ ہیں کہ صبح کو پو پھٹنے کے وقت وہ اللہ کی کتاب پڑھتے ہیں ۔ ہمارے اندھے پن کے بعد انہوں نے ہمیں راستہ دکھایا۔ ہمارے دلوں کو یقین ہے کہ جو کچھ انہوں نے فرمایا وہ سچ ہے ۔ وہ رات کو اپنا پہلو بستر سے جدارکھتے ہیں جب کہ کافروں کے بستر کافروں (کے بار) سے بوجھل پڑے ہوتے ہیں۔
، یوعون ربھم خوفا وطمعا، ابن عباس ؓ نے فرمایا آگ کے خوف سے اور رحمت وثواب وجنت کی امید رکھتے ہو ہوئے اس کا پکار تے ہیں ۔ ، ومما رزقنھم ینفقون ، اس سے مراد فرض صدقہ ہے۔ بعض نے کہا کہ واجب اور نوافل میں ۔
Ayah 32:17تفسیر 17۔ ، فلا تعلم نفس ما اخفی لھم، حمزہ اور یعقوب نے ، ا (رح) (رح) خفی لھم ، یاء ساکنہ کے ساتھ پڑھی ہے۔ ابن مسعود ؓ کی قرأت میں (نخفی لھم) نون کے ساتھ پڑھا ہے اور دوسرے قراء نے فتحہ کے ساتھ پڑھا ہے ۔ ، من قرۃ اعین، اس میں ان کی آنکھوں کے لیے ٹھندک ہے۔ ، جزاء بما کانوایعملون ، حضرت ابوہریرہ ؓ سے روایت ہے فرماتے ہیں کہ رسول اللہ ﷺ نے ارشاد فرمایا اللہ تعالیٰ فرماتا ہے کہ میں نے اپنے صالح بندوں کے لیے ایسی نعمتیں تیار کررکھی ہیں جو نہ کسی آنکھ نی دیکھیں نہ کسی کان نے اس کا ذکر سنانہ کسی دل میں ان کا تصور آیا ۔ اگر تم چاہتے ہو تو پڑھو۔ ، فلا تعلم نفس مااخفی لھم من قرۃ اعین ، حضرت ابوہریرہ ؓ نے فرمایا یہ وہ نعمت ہے جس کی کوئی تشریح نہیں بیان کی گئی۔ بعض حضرات کا قول ہے کہ تم اپنے اعمال کو پوشیدہ رکھو اللہ بھی اس کے لیے تمہاراثواب پوشیدہ رکھے گا۔
Ayah 32:1818، افمن کان مئومن کان فاسقا لایستون، اس آیت کا نزول علی بن ابی طالب ولیدبن عقبہ بن ابی معیط یہ حضرت عثمان ؓ کے ماں شریک بھائی تھے، ان کے درمیان کوئی جھگڑاتنازع تھا اور کسی چیز کے بارے میں باتیں ہورہی تھیں ۔ اس پر ولید بن عقبہ نے حضرت علی ؓ سے کہا کہ آپ چپ ہوجاؤ۔ کیونکہ آپ بچے ہو اور خدا کی قسم میں تجھ سے زیادہ تیززبان اور لشکر ی پہلوان ہوں ۔ حضرت علی ؓ نے فرمایا چب رہ تو اللہ کانا فرمان ہے اس پر یہ آیت نازل ہوئی ۔ ، لا یستو یان ، نہیں فرمایا کہ ایک مؤمن ایک فاسق کے برابر نہیں ہوسکتا بلکہ تمام مؤمنین تمام فاسقین برابر نہیں ہوسکتے۔
Ayahs 32:19–2019، اماالذین امنواوعملوالصالحات فلھم جنات الماوی ، جس کی طر مؤمنین ٹھکانا حاصل کرتے ہیں ۔ ، نزلا بماکانو ایعملون،
Ayahs 32:21–2221، ولنذیقنھم من العذاب الا دنی دون عذاب الا کبر، سوائے بڑے عذاب کے ۔ ، لعلھم یرجعون ، حضرت ابی بن کعب ضحاک حسن اور ابراہیم نے کہا کہ عذاب الادنی سے مراد ہے دنیاوی مصائب اور بیماریاں ۔ والبی کی روایت میں ابن عباس ؓ کا بھی یہی قول آیا ہے۔ عکرمہ نے کہا کہ اس سے حدودمراد ہیں ۔ مقاتل نے کہا کہ اس سے مراد وہ ہفت سالہ قحط ہے جس میں اہل مکہ مبتلا کیے گئے تھے یہاں تک کہ مردار اور ہڈیاں اور کتوں تک کو کھاگئے ۔ ابن مسعودؓ کا قول ہے کہ بدر کے دن کافروں کا ماراجانا مراد ہے۔ قتادہ اور سدی کا بھی یہی قول مروی ہے۔ ، دون العذاب الا کبر، سے آخرت کا عذاب مراد ہے۔ ، لعلم یرجعون ، تاکہ وہ ایمان کی طرف لوٹ جائیں یعنی جو بدر کی لڑائی سے قتل ہونے میں بچ گئے اور جو قحط سے بچ گئے۔
Ayah 32:2323، ولقد اتینا موسیٰ الکتاب فلا تکن فی مریۃ من لقائہ، کوئی اس بات میں شک نہ کرے کہ آپ ﷺ شب معراج میں موسیٰ (علیہ السلام) سے ملے تھے ۔ یہ ابن عباس ؓ کا قول ہے۔
ابن عباس ؓ کی روایت ہے کہ رسول اللہ ﷺ نے ارشاد فرمایا کہ شب معراج میں میں نے موسیٰ (علیہ السلام) کو دیکھا، گندمی رنگ درازقامت گھنگھریا لے بال ، ایسا معلوم ہوتا تھا کہ (قبیلہ ازد) شنوء کے ایک مرد ہیں ۔ میں نے حضرت عیسیٰ (علیہ السلام) کو بھی متوسط القامت سرخی سفیدی مائل رنگ اور سید ہے بالوں والا پایا اور میں نے دوزخ کے داروغہ مالک کو اور دجال کو بھی دیکھا۔
حضرت انس ؓ سے روایت ہے فرماتے ہیں کہ رسول ﷺ نے ارشاد فرمایا کہ جب مجھے آسمان کی سیر کرائی گئی تو میں نے حضرت موسیٰ (علیہ السلام) کو دیکھا کہ وہ اپنی قبر میں نماز پڑھ رہے ہیں اور معراج والی روایت میں ہے کہ میں نے حضرت موسیٰ (علیہ السلام) کو چھٹے آسمان پرد یکھا اور نماز کے معاملے میں باربار حضرت موسیٰ (علیہ السلام) کے پاس آتے رہے ۔ سدی کا قول ہے کہ اس آیت کا مطلب یہ ہے کہ موسیٰ (علیہ السلام) نے توریت اپنی رضا مندی سے قبول کی تھی ۔ آپ کو اس بات میں شک نہیں کرنا چاہیے ۔ ، وجعلناہ، اس سے مراد کتاب ہے اور وہ تو ریت ہے۔ قتادہ نے کہا کہ اس سے مراد موسیٰ (علیہ السلام) ہیں ۔ ، ھدی لنبی اسرائیل ۔
Ayahs 32:24–2624 وجعلنا منھم، اس سے مراد بنی اسرائیل ہے۔ ، آئمۃ، جن کی ہر بھلائی میں اقتدا کی جاتی ہے۔ (یعنی انبیاء اور انبیاء کرام (علیہم السلام) کے پیشوا) ۔۔۔۔۔ ، یھدون وہ پکار تے ہیں ۔ بامرنا لما صبروا، حمزہ کسائی نے لام کے کسرہ کے ساتھ اور میم کی تخفیف کے ساتھ ۔ باقی قراء نے لام کے فتحہ اور میم کی تشدید کے ساتھ جب انہوں نے اپنے دین پر صبر کیا اور مصر میں دشمن کی اذتیوں پر صبر کیا۔ ، وکانو ابا یاتنا یوقنون،
Ayah 32:27تفسیر 27، اولم یروا انا نسوق الماء الی الارض الجرز، وہ زمین جس کی سرسبزی کٹ گئی ہوجاتی رہی ہو۔ ابن عباس ؓ نے فرمایا کہ یہ یمن کی سرزمین ہے ۔ مجاہد کا قول ہے کہ یہ ارض ابین ہے۔ ، فنخرج بہ زرعاتاکل منہ انعامھم ، گھاس اور تنکے پتے وغیرہ۔ ، وانفسھم ، غلہ اور پھل وغیرہ خود کھاتے ہیں۔ ، افلا یبصرون،
Ayah 32:2828، ویقولون متی ھذا الفتح ان کنتم صادقین ، بعض نے فتح کے دن سے مراد قیامت کا دن لیا ہے اس دن اللہ تعالیٰ اپنے بندوں کے درمیان فیصلہ فرمائیں گے۔ بعض نے کہا کہ کفار مکہ بطور استہزاء کے کہتے ہیں کہ تمہاری یہ فتح کب ہوگی۔ کلبی کا بیان ہے کہ اس سے مراد فتح مکہ کا دن ہے اور سدی کا قول ہے اس سے مراد بدرکادن ہے کہ آپ ﷺ کے صحابہ ؓ یہ فرماتے تھے کہ اللہ ہمارا مددگار ہے اور ہم تم پر غالب آجائیں گے تو وہ کہتے کہ فتح کا دن کب آئے گا ؟
Ayah 32:2929، قل یوم الفتح ، قیامت کے دن، لا ینفع الذین کفروا ایمانھم ، جن حضرات نے اس کو فتح مکہ پر محمول کیا اور بدر کے دن پر ان کے نزدیک اس کا معنی یہ ہے کہ ان لوگوں کو اس وقت ایمان نفع نہیں دے گا جب ان پر عذاب آجائے اور وہ قتل ہوجائیں گے۔ ، ولاھم ینظرون، ان کو اس وقت کوئی مہلت نہیں دی جائے گی تا کہ توبہ کرسکیں اور نہ ہی عذر کرسکیں گے۔
Ayah 32:3030، فاعرض عنھم ، ابن عباس ؓ نے فرمایا کہ یہ جملہ منسوخ ہے آیت قتال سے اس کا حکم منسوخ کردیا۔ ، وانتظر انھم منتظرون، جس فتح کا ہم نے وعدہ کیا ہے اس کا انتظار کیجئے وہ بھی منتظر ہیں کہ آپ حوادث زمانہ اور مصائب میں مبتلاہوجائیں ۔ بعض حضرات نے اس کا یہ مطلب بیان کیا ہے کہ ہمارے عذاب کا آپ انتظار کیجئے وہ بھی عذاب ہی کے منتظر ہیں ۔ حضرت ابوہریرہ ؓ راوی ہیں کہ فجر کی نماز میں رسول اللہ ﷺ نے، الم تنزیل ، اور ھل اتی علی الا نسان ، پڑھتے تھے۔ حضرت جابرؓ سے روایت ہے کہ رسول ﷺ سوتے نہ تھے جب تک ، الم تنزیل ، اور ، تبارک الذی بیدہ الملک، نہ پڑھ لیتے تھے۔