یَسْـَٔلُوْنَكَ عَنِ الْاَنْفَالِ ؕ— قُلِ الْاَنْفَالُ لِلّٰهِ وَالرَّسُوْلِ ۚ— فَاتَّقُوا اللّٰهَ وَاَصْلِحُوْا ذَاتَ بَیْنِكُمْ ۪— وَاَطِیْعُوا اللّٰهَ وَرَسُوْلَهٗۤ اِنْ كُنْتُمْ مُّؤْمِنِیْنَ ۟يَسۡــئَلُوۡنَكَ عَنِ الۡاَنۡفَالِ ؕ قُلِ الۡاَنۡفَالُ لِلّٰهِ وَالرَّسُوۡلِ ۚ فَاتَّقُوا اللّٰهَ وَاَصۡلِحُوۡا ذَاتَ بَيۡنِكُمۡۖ وَاَطِيۡعُوا اللّٰهَ وَرَسُوۡلَهٗۤ اِنۡ كُنۡتُمۡ مُّؤۡمِنِيۡنَ
(اے محمد! مجاہد لوگ) تم سے غنیمت کے مال کے بارے میں دریافت کرتے ہیں کہ (کیا حکم ہے) کہہ دو کہ غنیمت خدا اور اس کے رسول کا مال ہے۔ تو خدا سے ڈرو اور آپس میں صلح رکھو اور اگر ایمان رکھتے ہو تو خدا اور اس کے رسول کے حکم پر چلو
Tafseer of 8:1
1- اے رسول( صلى اللہ عليہ وسلم )! آپ کے ساتھی آپ سے اموالِ غنیمت کے بارے میں پوچھتے ہیں کہ ان کی تقسیم کیسے ہوگی؟ اور کس کس کو یہ مال ملے گا؟ اے رسول( صلى اللہ عليہ وسلم )! ان کے سوال کا جواب دیتے ہوئے کہیں: یہ اموالِ غنیمت اللہ تعالیٰ اور اس کے رسول کے ہیں اور انھیں خرچ و تقسیم کرنے کا اختیار بھی اللہ تعالیٰ اور اس کے رسول کے پاس ہے۔ تمھیں ان کا ہر فیصلہ ماننا اور ہر فیصلے کے آگے سر تسلیم خم کرنا ہے، لہٰذا اے ایمان والو! اللہ کے حکموں کو مان کر اور اس کے منع کیے ہوئے کاموں سے باز آ کر اس سے ڈرو اور اپنے باہمی تعلقات کی اصلاح کرو، یعنی قطع تعلقی اور ایک دوسرے سے بے رخی اور کدورت چھوڑ کر محبت، صلہ رحمی، حسن اخلاق اور عفو و درگزر سے رہو۔ اگر تم سچے مومن ہو تو اللہ تعالیٰ اور اس کے رسول کی اطاعت اپنے اوپر لازم کر لو کیونکہ ایمان اطاعت پر آمادہ کرتا اور گناہ اور نافرمانی سے دور کرتا ہے۔ یہ سوال واقعۂ بدر کے بعد ہوا تھا۔