90. Surah Al-Balad

محبوب کریم کے شہر مکہ کی قسم۔ (ف 1) فرمایا اے محبوب ﷺ یہ شہر قسم کھانے کے قابل ہوا جب سے آپ اس شہر مکہ مکرمہ میں تشریف فرما ہوئے کیونکہ آپ کی عظمت کی وجہ سے یہ شہر معظم ہوا ، شرف المکان بالمکین، مشہور فقرہ ہے یعنی مکان کو شرافت رہنے والے کی وجہ سے ہوتی ہے چونکہ ہمارے حضور خداوند جل وعلا احکم الحاکمین کے محبوب خاص ہوئے اس لیے آپ کا شہر کا بھی اللہ کو محبوب ہوا اور اس کے قابل ہوا کہ اس کی قسم کھائی جائے۔ (تفسیر حقانی)

(ف 2) اور قسم ہے آدم (علیہ السلام) اور ان کی ذریت کی چونکہ آپ اولاد آدم (علیہ السلام) ہوئے اس لیے اولاد آدم اور خود آدم (علیہ السلام) کی عظمت ہوئی محبوب کے تمام جنس محبوب ہوتے ہیں (تفسیر حقانی) ۔

(ف 3) اب جس بات کو قسم کا کھاکر اللہ نے فرمایا وہ یہ ہے کہ انسان ایک محنت اور مشقت کی حالت میں ہمیشہ ہے ، علماء نے لکھا ہے کہ اگر غور سے دیکھا جائے تو ماں کے پیٹ سے لے کر مرتے دم تک کوئی وقت انسان کا محنت اور سختی سے خالی نہیں ہے بچہ جب ماں کے پیٹ میں ہوتا ہے تو ماں کے سونے اور لیٹنے کے وقت ایک فرشتہ اس بچہ کا سراونچا کردیتا ہے تاکہ ماں کے لیٹنے کے وقت ماں کے سارے جسم میں خون جو دوڑتا ہے وہ خود بچہ کی ناک اور منہ میں بھر کر بچہ مر نہ جائے۔ پھر پیدا ہونے کے وقت جو سختی ماں اور بچہ پر گذرتی ہے وہ سب کی آنکھوں کے سامنے ہے اسی طرح پیدا ہونے کے بعد بچپنے میں جوانی میں بڑھاپے میں دکھ درد طرح طرح کا رنج وغم ہر ایک کے پیچھے لگا ہوا ہے۔

غریبوں کے ساتھ سلوک کرنا۔ (ف 4) شان نزول۔ تفسیر کلبی میں لکھا ہیی کہ مشرکین مکہ میں ایک شخص ابوالاشد بڑا شہ زور تھا اور اس کی طاقت کا یہ عالم تھا کہ اونٹ کی کھال پاؤں کے نیچے بالیتا تھا دس دس آدمی اس کھال کو کھینچنے تھے کھال پھٹ کر ٹکڑے ٹکڑے اڑ جاتی تھی مگر جتنا اس کے پاؤں کے نیچے ہوتا ہرگز نہ نکل سکتا تھا، یہ شخص نبی ﷺ سے بڑی عداوت رکھتا تھا اور حضور کی عداوت میں لوگوں کو رشوتیں دے دے کر حضور کو آزار پہنچائیں ، اسی شخص کی شان میں اللہ تعالیٰ نے یہ آیت نازل فرمائی کہ اور فرمایا کہ وہ یہ سمجھتا ہے کہ کوئی ہستی ایسی نہیں جو اس پر قابو پاسکے اور اس سرکشی کی سزا دے سکے، حضور کی عداوت میں یو ہی بےت کے پن سے مال خرچ کرنے کو ہنر سمجھتا ہے پھر اسے بڑھاچڑھا کر فخر سے کہتا ہے کہ میں اتنا مال خرچ کرچکا ہوں کیا اس کے بعد بھی کوئی میرا مقابلہ میں کامیاب ہوسکتا ہے فرمایا، کیا اس کافر کو یہ گمان ہے کہ اسے اللہ نے نہیں دیکھا اور اللہ اس سے سوال نہیں کرے گا کہ اس نے یہ مال کہاں سے حاصل کیا کس کام میں خرچ کیا۔ جسم انسانی اللہ کریم کی قدرت کا شاہکار اور اس کا تقاضا۔ اس کے بعد اللہ اپنی نعمتوں کا ذکر فرماتا ہے تاکہ اس کو عبرت حاصل کرنے کا موقع ملے فرمایا کیا ہم نے اس کو دوآنکھیں نہیں دیں کہ ان سے دیکھے اور زبان نہیں دی کہ اس سے بولتا ہے اور اپنے دل کی بات بیان میں لاتا ہے اور دوہونٹ نہیں دیے جن سے منہ کو بند کرتا ہے اور جب چاہتا ہے کھولتا ہے اور بات کرنے اور کھانے اور پینے اور بھونکنے میں ان سے کام لیتا ہی یہ۔ اور کیا ہم نے اس کو جب پیدا ہوا تو دودھ پینے کے لیے دونوں پستان نہیں بتادیا، یعنی ہم نے یہ نعمتیں دیں مگر یہ ناشکری کرتا ہے اب آگے فرمایا کہ یہ کافر جو غرور کرتا ہے قوت کا گھمنڈ رکھتا ہے تو کیا عقبہ یعنی گھاٹی سے یہ گذر گیا ہے نہیں ہرگز نہیں گذرا، وہ عقبہ صراط ہے جو دوزخ جنت کے درمیان میں رکھا ہوا ہے جب اس سے گزارا ہوجائے تو آدمی کو فخر زیبا ہے فرمایا کیا تم جانتے وہ وہ عقبہ کیا ہے بڑا عقبہ ہے دشوار گزار اس کے پاراترانے کا علاج اور اسباب کارخیر ہیں غلام کا آزاد کرنا بھوک اور سختی کے دنوں میں قحط کے موسم میں یتیموں کو، بن باپوں کے بچوں کو اور خاص کر وہ یتیم جو قرابت دار ہوں ان کو کھانا کھلانا، اور مسکین جس کے پاس کچھ نہ ہو اور پریشانی وحیرانی کے سبب خاک میں مل گیا ہو اور قرض دار کی گرد قرآن سے چھڑوانا یہ موقع ہیں مال خرچ کرنے کے۔ پس جو آدمی ایسا ہوگا پھر بعد اس کے ظاہر ظہور ان لوگوں سے ہوگا جو اللہ اور اس کے رسول اور اس کے قرآن پاک پر ایمان لائے ہیں اور آپس میں ایک دوسرے کو صبر کی وصیت ، ادائے فرض وترک مناہی پر اور فقیروں مسکینوں پر رحم کرنے کو کرتے ہیں، تو اسی صف کے لوگ بروز قیامت سیدھی طرف والے ہون گے یعنی جنتی ان کے سیدھے ہاتھوں میں نامہ اعمال دیاجائے گا، یہ لوگ بڑے خوش نصیب میمون ومبارک ہیں آگے فرمایا جو لوگ ہماری آیتوں کو نہیں مانتے کافر ہیں وہ بائیں طرف والے ہیں دوزخی ان کے الٹے ہاتھوں میں نامہ اعمال ہوں گے یہ لوگ بڑے بدنصیب منحوس شامت زدہ ہیں، ان دوزخیوں کو دوزخ میں ڈال کر سب دروازے بند کردیے جائیں گے کہ نہ نکل سکیں۔