110. Surah An-Nasr

سب سے آخری سورت کا نازل ہونا اور صدیق اکبر کا عشق رسول ﷺ ۔ (ف 1) اس سورت کے نازل ہونے کے بعد آنحضرت ﷺ نے سبحان اللہ وبحمدہ استغفر اللہ واتوب الیہ۔ کی بہت کثرت فرمائی، حضرت ابن عمر سے مروی ہے کہ یہ سورة حجۃ الوداع میں بمقام منی نازل ہوئی اس کے بعد الیوم اکملت لکم دینکم نازل ہوئی، اس کے نازل ہونے کے بعد اسی روز حضور نے دنیا میں تشریف رکھی پھر آیت الکلالہ نازل ہوئی اس کے بعد حضور پچاس روز تشریف فرما رہے، پھر آیت واتقویومان ترجعون فیہ الی اللہ۔ نازل ہئوی اس کے بعد حضور اکیس روز یا سات روز تشریف فرما رہے، اس سورت مبارکہ کے نازل ہونے کے بعد صحابہ نے سمجھ لیا کہ دین کام اور تمام ہوگیا، تو اب حضور دنیا میں زیادہ تشریف نہ رکھیں گے چناچہ حضرت عمر یہ سورت سن کر اسی خیال سے روئے۔ اسی سورت کے نازل ہونے کے بعد حضور ﷺ نے خطبہ میں فرمایا، کہ ایک بندہ کو اللہ نے اختیار دیا کہ چاہے دنیا میں رہے چاہے اس کی القاء فرمائے، اس بندہ نے القاء الٰہی اختیار کی، یہ سن کر حضرت ابوبکر صدیق نے فرمایا آپ ہماری جانیں ہمارے مال آبا اور ہماری اولاد سب قربان۔