97. Surah Al-Qadr

القدرThe Power, Fate · 5 ayahsبیان القرآن

Read Surah Al-Qadr in the Quran reader
Ayahs 97:1–3

اِنَّاۤ اَنْزَلْنٰهُ فِیْ لَیْلَةِ الْقَدْرِۚۖ Open ayah 97:1 in the Quran reader

بیشک قرآن کو ہم نے شب قدر میں اتارا ہے اور (شوق بڑھانے کے لیے فرماتے ہیں کہ) ۔

وَ مَاۤ اَدْرٰىكَ مَا لَیْلَةُ الْقَدْرِؕ Open ayah 97:2 in the Quran reader

آپ کو کچھ معلوم ہے کہ شب قدر کیسی چیز ہے (آگے جواب ہے کہ) ۔

لَیْلَةُ الْقَدْرِ١ۙ۬ خَیْرٌ مِّنْ اَلْفِ شَهْرٍؕؔ Open ayah 97:3 in the Quran reader

شب قدر ہزار مہینے سے بہتر ہے (اور وہ شب قدر ایسی ہے کہ) ۔ (ف 6)

ف 6۔ یعنی ہزار مہینہ تک عبادت کرنے کا جس قدر ثواب ہے اس سے زیادہ شب قدر میں عبادت کرنے کا ثواب ہے کذا فی الخازن۔
Ayah 97:4

تَنَزَّلُ الْمَلٰٓئِكَةُ وَ الرُّوْحُ فِیْهَا بِاِذْنِ رَبِّهِمْ١ۚ مِنْ كُلِّ اَمْرٍۙۛ Open ayah 97:4 in the Quran reader

اس رات میں فرشتے اور روح القدس (یعنی جبرائیل (علیہ السلام) اپنے پروردگار کے حکم سے ہر امر خیر کو لے کر (زمین کی طرف) اترتے ہیں۔ (ف 7)

ف 7۔ چناچہ حدیث بیہقی میں حضرت انس سے مرفوعا مروی ہے کہ لیلة القدر میں جبریل (علیہ السلام) فرشتوں کے ایک گروہ میں آتے ہیں اور جس کسی کو عبادت الہی میں مشغول دیکھتے ہیں اس کے لئے دعائے مغفرت کرتے ہیں، دعائے رحمت اور سلامتی میں تلازم ہے، اسی کو قرآن میں سلام فرمایا ہے اور امر خیر سے مراد یہی ہے۔
Ayah 97:5

سَلٰمٌ١ۛ۫ هِیَ حَتّٰى مَطْلَعِ الْفَجْرِ۠ Open ayah 97:5 in the Quran reader

اور (وہ شب) سراپا سلام ہے وہ شب (صفت و برکت کے ساتھ) طلوع فجر تک رہتی ہے۔ (ف 8)

ف 8۔ یہ نہیں کہ اس شب کے کسی حصہ خاص میں یہ برکت ہو اور کسی میں نہ ہو، لیلة القدر کے متعلق ایک اشکال یہ ہے کہ اختلاف مطالع و مغارب کی وجہ سے لیلة القدر کا ہر جگہ جدا ہونا لازم آتا ہے، جواب یہ ہے کہ اس میں کوئی استحالہ لازم نہیں آتا کہ یہ برکات کسی کو کسی وقت میں ملیں اور کسی کو دوسرے وقت میں، اسی طرح ملائکہ کا نزول ہر جگہ مختلف وقت میں ہوا۔