عبداللہ بن عباس کی مرویات
حَدَّثَنَا يَحْيَى بْنُ عَبْدِ الْمَلِكِ بْنِ أَبِي غَنِيَّةَ قَالَ أَنْبَأَنَا الْعَوَّامُ بْنُ حَوْشَبٍ قَالَ سَأَلْتُ مُجَاهِدًا عَنْ السَّجْدَةِ الَّتِي فِي ص فَقَالَ نَعَمْ سَأَلْتُ عَنْهَا ابْنَ عَبَّاسٍ فَقَالَ أَتَقْرَأُ هَذِهِ الْآيَةَ وَمِنْ ذُرِّيَّتِهِ دَاوُدَ وَسُلَيْمَانَ وَفِي آخِرِهَا فَبِهُدَاهُمْ اقْتَدِهْ قَالَ أُمِرَ نَبِيُّكُمْ صَلَّى اللَّهُ عَلَيْهِ وَسَلَّمَ أَنْ يَقْتَدِيَ بِدَاوُدَ
عوام بن حوشب (رح) کہتے ہیں کہ میں نے مجاہد (رح) سے سورت ص کے سجدے کے متعلق دریافت کیا، انہوں نے فرمایا کہ ہاں! میں نے یہ مسئلہ حضرت ابن عباس ؓ سے پوچھا تھا، انہوں نے جواب دیا تھا کہ کیا تم یہ آیت پڑھتے ہو " ان ہی کی اولاد میں سے حضرت داوؤد اور سلیمان علیہماالسلام بھی ہیں "۔۔۔۔۔۔ اور اس کے آخر میں ہے کہ " آپ ان ہی کے طریقے کی پیروی کیجئے " گویا تمہارے نبی ﷺ کو داوؤد کی اقتداء کرنے کا حکم دیا گیا ہے ( اور انہوں نے سجدہ کیا تھا لہذا ان کی اقتداء میں سورت ص کی آیت سجدہ پر سجدہ کیا جائے)